اشتغلت من اول الشركات الناشئة الي حتي كبار الشركات في كوريا الجنوبية و اسيا
اكيد طبعا اختلاف الثقافات ده موجود و اكيد مش هو اللي ممكن يسبب اي مشاكل في اي اعمال تجاريه او شراكات.
و لكن تقريبا في ال ٦ سنوات اللي فاتو قدرت أشوف ايه اكتر ٦ نقط عطل عقود تجارية لمده اطول من المفترض.
١- فرق سرعات الخطوات
في شرق اسيا او بالأخص كوريا الجنوبيه و اليابان و ده بسبب ان الصين تختلف في النقطة ده
في بدايه التواصل معظم الشركات الكوريه ممكن تستنفذ وقت كبير جدا في وقت التعارف بين الشركات و ده يرجع لثقافات الكوريين في حب معرفة كل المعلومات عن الشخص الاخر، و ده بيخلي شركات كتير جدا تتوقف في المرحلة الاولي و بيعتبروها اهدار للوقت
يعني الوقت اللي بتستغرقه شركة من الخارج للوصول لمعلومات الاسعار او حتي الموديلا يتجاوز ال ٧ ايام ال ١٠ ايام و للأسف ده بيتسبب لخسائر كتيره عند الشركات الاسيويه و اللي بيصب في مصلحة الشركات الصينيه اللي ممكن سرعه الوصول للمعلومه يوصل لحد اقصي يومين.
٢- لما اتكلمنا عن الخطوة اللي فاتت و قولنا فرق سرعات الخطوات؛
لو عدينا المرحله الاولي مع الشركات الكورية بيكون دخلنا مرحلة السباق لان الشركات بعد مرحلة التعارف و تقديم الاوراق اللازمة او الطلبات بتدخل في دوامه سريعه جدا من توفير كل المعلومات و التواصل بيكون مستمر، الامر اللي بيتسبب في مشكلة تانيه لان معظم الشركات بتكون دخلت في المرحلة الاولي اللي اخدت وقت و بيكون الشركة الكوريه علي استعجال في كل الخطوات اللي بعدها ده كمان بيسبب احباط للطرفين و رغبة عدم إكمال و خصوصا من الشركات الكوريه
٣- تنفيذ المشاريع:
بعد ما تعدي بكل المراحل اللي اتكلمنا فيها و قدرنا نتخطى الصعوبات اللي فاتت، دخلنا علي مرحلة الوحش.
الثقافة التجارية الكوريه تقوم علي عدم الثقة تمام، و في اساس اي معاملات تجارية حتي مع حفظ الحقوق قانونيا هو بعض من الثقة و ده لان
الشخصية الكوريه هي شخصيه low risk profile
معني كدا بيسبب مشاكل في اولي المعاملات لعدم قبولها بتقديم اي تسهيلات ماليه للطرف الاخر، و اكيد التسهيلات المالية جزء من نجاح اي معامله تجارية .
٤- التسعير و التوقعات
ده المرحله اللي ٨٠٪ من الشراكات و المعاملات التجارية توقفت فيها، اولا ارجووووووكم بلاش تقارنو اي منتج كوري ب منتج صيني، اولا فرق مرتبات العمالة، و أصلا في نقص في الأيدي العامله، اسعار المواد الخام و الكواليتي مختلف، يعني بالنسبه للشركات الكوريه ده من المسلمات اللي ممكن تحسسهم بالاهانه بمقارنه منتجاتهم بالمنتجات الصينيه
و اخيرا في موضوع التسعير الشركات الكورية في المفاوضات اللي تخص التسعير عندهم سياسات قويه و نسب النزول في الاسعار لا يتجاوز ٧٪و اكيد في شركات عندهم سياسات مختلفه
٥- الوعود و الالتزامات:
من المتعارف عن الشركات شركات الشرق الأوسط بعدم التزامهم بالمواعيد لاعتبارهم تاخير يوم او اتنين ليس بتاخير مع العلم الشركات الكورية تعتبر الدقيقه تاخير و ده بيسبب لهم عدم شعر بالأمان في الشراكة اللي هتادي في سياسات ماليه اكثر حرصا حتي التأخير عند الشركات الكوريه بيكون معلوم و مبلغ للشركاء .
التأخيرات في السداد او في الاستلام او في حتي الردود علي الايميلات من اكترالازمات اللي واجهناها
٦- الابتسامات في الاجتماعات لا تعني الرضا
و ده هنتكلم عليها في البوست اللي جاي